Марҳум руҳига эҳсон
15:52 / 04.04.2019 | Ramziddin | 2403
Ассалому алайкум! Ўтганларнинг руҳини шод қилиш мақсадида эҳсон оши бериш бидъат амал бўлса, илтимос, шариатимиз қоидаларидан четга чиқмаган ҳолда, марҳумлар хотирасига эҳсон қилишни тўғри йўлини кўрсатинг. Жавоб учун раҳмат.
«Зикр аҳлидан сўранг» ҳайъати:
- Ва алайкум ассалом! Ўтганларга савобини бағишлаш учун ҳар қандай эҳсонни қилиш жоиз. Фақат кунини, таомнинг турини тайин қилиш, ночорларни ҳам эҳсон қилмаганликда айблаш, мустаҳаб ишни вожиб даражасига кўтариш жоиз эмас. Бирортасини қўлидан келса ўтиб кетганларининг тарафидан ҳажи бадал қилдирсин. Қолдирган рўза ва намозларининг фидясини берсин. Номидан садақаи жориялар жорий қилсин. хоҳласа ҳар бир қилган нафл ибодатларини савобини бағишласин. Аммо ахмоқлик қилиб кун, махсус таом, мустаҳабни вожиб, етимларни ҳаққини поймол қилмасин. Меросини тақсим қилинмаганларнинг ҳаққини емасин. Валлоҳу аълам!
