Етимнинг ҳақини ишлатиб туриш
23:45 / 04.04.2019 | Сарвар | 1657
Ассалому алайкум! Танишимни 3-та боласи бор, эридан қайтган. У кишига етимларни боқиш учун закот келиб туради. Бир киши улардан “шу пулдан фойдаланиб турсам ва ҳар ойда ўзим рози бўлиб маълум бир миқдорда қўшимчаси билан қайтарсам”, деб сурапти. Етим болага келган закот пулларини бундай қилиши судхўрликка кирмайдими?
«Зикр аҳлидан сўранг» ҳайъати:
- Ва алайкум ассалом! Судхўрликка киради. Унинг ўрнига ўз ишига ўша пулни шерикликка қўшиб фойдасидан бериб турса бўлади. Масалан, 10 миллион пули бўлса 5ни ўзига қарз олсин. 5 миллионини шерикликка тиксин. Ўша 5 миллионини шериклик фойдасини уларга, 5 миллион қарзининг фойдасини ўзига олса бўлади. Валлоҳу аълам!
