Қурбонлик адади
Ассалому алайкум! Бизнинг оила катта. Ота-онам, синглим, акам оилали 3 та фарзандли, мен ҳам оилалиман 3 та фарзандим бор. Ҳаммамиз бирга яшаймиз, рўзғоримиз бир. Алҳамдулиллаҳ закот беришга қодирмиз оила бюджети ҳам битта дадамда туради. Келинойимни 90-100г атрофида тилла тақинчоқлари бор (нисобга етган), онамда ва менинг аёлимда ҳар бирларида 50-60г атрофида тилла тақинчоқлиги бор. Аёллар тақинчоқларини деярли ҳаммасини навбат билан тақадилар (яъни ишлатадилар). Биз битта рўзғор бўлганимиз учун қурбон ҳайитида битта қурбонлик қиламиз. Аслида бизга нечта қурбонлик сўйиш вожиб?
- Ва алайкум ассалом! Ҳар бир нисоб эгаси алоҳида-алоҳида қурбонлик қилиш шарт. Закот ҳам шундай. Акс ҳолда ҳадислардаги азобга дучор бўлиб қолишлари мумкин. Қурбонликни битта қилинса қорамол олсангизлар 7 киши тарафидан адо бўлади. Валлоҳу аълам!
