Қарз ҳақида
21:14 / 10.07.2019 | Бехзодхужа Усманов | 1566
Ассалому алайкум! Мен бир дўстимдан маълум миқдорда қарз олган эдим. Дўстим менга қарз бераётган вақтда: топганингда қайтарарсан деб таъкидлаган. Орадан вақт ўтиб мени тўйим арафасида шу дўстим менга: олган қарзинги қайтармасанг ҳам майли. Ўша пул сенга тўёна деб айтди. Ушбу ҳолат юзасидан менда шубҳа бор, яъни олган пулимни дўстимга қайтарганимдан сўнггина у менга ҳадя сифатида бергани тўғри бўлса керак деб ўйлайман. Ушбу ҳолатда мен қандай йўл тутсам тўғри бўлади?
«Зикр аҳлидан сўранг» ҳайъати:
– Ва алайкум ассалом! Дўстингиздан сўраб аниқлаштириб олинг. Агар шуни менга ҳам тўёна қилиб берасан деса шунча миқдор тўёнага қарз бўласиз. Йўқ ҳадя деса қарз бўлмайсиз. Валлоҳу аълам!
