Ота-онамнинг муомаласи

– Ва алайкум ассалом! Бу жуда кўп оилаларда бўладиган синов. Абу Бакр розияллоҳу анҳунинг оталари  у кишидан 20 йил ўтиб Исломни қабул қилган. У вақтда уларнинг бир бирларига бўлган муносабатлари ўта аянчли эди. Шунда ҳам Абу Бакр Сиддиқ розияллоҳу анҳу сабр қилардилар ва Исломга киришларини сўраб тинмай дуо қилардилар. Аёлларидан бири Асмо онамизнинг онаси ҳам шунча муддатгача иймонга келмай юрган. Абу Бакр Сиддиқ розияллоҳу анҳу билан ораларида никоҳ қолмаган бўлса ҳам қизлари билан онасининг ўртаси жуда ёмон эди. Қизлари ҳам сабр қилди, улар ҳақида алоҳида оят ҳам нозил бўлди. 

 وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ۝ 

15. Агар икковлари сени ўзинг билмаган нарсани Менга ширк келтиришга зўрласалар, бас, уларга итоат этма! Ва бу дунёда икковлари суҳбатини яхши қил ҳамда Менга йўналганларнинг йўлига эргаш. Сўнгра қайтишингиз фақат Менгадир. Бас, сизга нима амал қилганингизнинг хабарини берурман. (Луқмон сураси).
Бундай пайтларда сиз билан биз ҳам шундай йўл тутишимиз керак. Фақат дуо бунинг давосидир. Чунки ҳамиша ундай инсонларнинг ёнида шайтон бўлади ва доимий ёмонликларга буюриб туради. Солиҳ инсонларни уларнинг кўзига хунук қилиб кўрсатиб туради. Ашраф Али Таҳонавий роҳматуллоҳ алайҳ “Бундай инсонлар ҳожатхонада узоқ ҳожат чиқариб ўтирадиган инсонларга ўхшайди. Ўзининг ичидан чиққан бадбўйни хис қилмай ҳидлаб ўтираверади. Бирортаси ёнида кекириб оғзидан хид чиқса бефаросатдан олиб, энг жирканч одамга чиқариб қўяди” деганлар. Валлоҳу аълам!