Ичувчи дўстлар даврасида
11:47 / 08.09.2019 | Tolibhon | 2442
Ассалому алайкум! Даврада 10 киши ўтирса 3таси ичимлик ичса, қолган 7 киши хам гуноҳкорми? Даврани тарк этиб кетай деса дўст-оғайнилардан хижолат бўлса нима қилиш керак?
«Зикр аҳлидан сўранг» ҳайъати:
– Ва алайкум ассалом! Мусулмон одам ҳаром ичкиликлар бўлаётган жойларга бормаслиги керак. Аллоҳ таоло "Фурқон" сурасида марҳамат қилади:
وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا
27. У Кунда золим икки қўлини тишлаб: «Эҳ, қани эди Расул билан бир йўлни тутган бўлсам!» – дер.
يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا
28. «Эвоҳ! Қани эди, фалончини дўст тутмаган бўлсам», – дер.
لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولًا
29. «Батаҳқиқ, менга Зикр келганидан сўнг, у мени адаштирди. Шайтон инсонни ёрдамсиз ташлаб кетувчидир». Валлоҳу аълам!
