Никоҳ бузилиб қолмайдими?
Ассалому алайкум! Менинг аёлим, беиҳтиёр Аллоҳ харом қилган нарсани англамаган холда савоб деб юборди, ушбу ҳолатда никоҳимиз бузилиб қолмадимикин? Бир сафар ҳам шунга ўхшаш ҳолат бўлиб никоҳимизни қайта ўқиттиргандик, ҳозир яна қайта никоҳлатишим керакми?
– Ва алайкум ассалом! Талоқ, никоҳ, қул озод қилиш каби ишларда оғиздан чиққан сўз эътиборга олинади. Беихтиёр ёки ҳазиллашиб айтганман деса ҳам баҳонаси эътиборга олинмайди. Иймонга тегишли масалаларда эса ният эътибор. Шунинг учун бир кишининг оғзидан бирор куфр ёки ширк сўзи чиқса аввал ундан шуни қасддан айтганми ёки оқибатини ўйламасдан айтганми сўраш керак. Агар қалбида у гапни ширклигини билмаган бўлса уни кофир бўлди дейилмайди. Билиб туриб қасддан айтган бўлса, унга насиҳат қилинса ҳам ўша гапида туриб олса кейин куфрга ҳукм қилинади. Валлоҳу аълам!
