Ота ёки она фолбин
11:11 / 15.09.2019 | Javohir | 4131
Ассалому алайкум! Бир дўстимнинг илтимоси билан савол юборябман. Дўстимнинг ўзи намозхон яхши йигит, айтишича оиласида отасими онасими бири фолбинлик қилар экан. Дўстим бу иш нотўғри деб тушинтиришга харакат қилибди, қўлидан келган барча сабабларни қилибди, лекин афсуски фойдаси бўлмабди. Энди у бу холатда нима қилишга, қандай йўл тутишга хайрон. Сиз устозлар нимани маслахат берасизлар, у оила аъзолари билан қандай муносабатда бўлишини билмаябди?
«Зикр аҳлидан сўранг» ҳайъати:
– Ва алайкум ассалом! Ота-онага фарзанд қилиши керак бўлгандек муомаласини давом эттирсин. Ота-она ҳаққларини ўз вақтида адо қилсин. Айтиб зиммасидан соқит қилган бўлса қолгани ўзларига ҳавола. Бахслашиб ўз охиратини куйдириб олмасин. Чунки ҳидоят Аллоҳдандир. Валлоҳу аълам!
