Қуръон сураларини ёнида олиб юриш

Ассалому алайкум ҳурматли шайх ҳазратлари, Аллоҳ қилаётган хайрли ишларингизга улкан ажру савоблар ато этсин, умрингизни узоқ ва илмингизни янада зиёда қилсин. Бизнинг бахтимизга доимо соғ-омон бўлинг. Ижозатингиз ила сизга бир савол билан мурожаат этсам. Ҳозирда китоб расталарида Қуръони Каримдан турли сураларни алоҳида китобча ёки плакатларга ёзилган ҳолда сотилмоқда. Баъзилар уларни сотиб олиб уйига, машинасига илиб қўяди ва савоби улуғ, турли бало-қазолардан сақлайди дейишади ёки китобча шаклидагиларини (масалан, «Ёсин» сурасини) ёнларида, чўнтакларида олиб юришади. Бунинг ҳам сабабини юқоридаги каби изоҳлашади. Бундай ҳолатларга шариатимизнинг ҳукми қандай? Бу ҳолатлар жоизми ёки қилмаган маъқулми? Жавобингиз учун олдиндан ташаккур. Аллоҳ мартабангизни янада юксак қилсин.