Илм олса намоз ўқигандан ҳам Аллоҳга яқин бўладими
16:19 / 19.01.2020 | Kamol Ruhiddinov | 1842
Ассалому алайкум! Бир танишим билан бахслашиб қолдим. У менга дунёвий илмларни ўрганиб олим бўлиб намоз ўқимасанг хам Аллоҳга намозхонлардан хам яқин бўласан деб айтмоқда. Буни Қуръони Каримда ўқиганман деди. Мен тушунтира олмаяпман.
«Зикр аҳлидан сўранг» ҳайъати:
– Ва алайкум ассалом! Ўша танишингиз Қуръони каримда бор деб Аллоҳнинг каломига қўшимча қилибди. Аслида у айтган гапи Қуръонда йўқ. Аксинча у куфр гап. Аллоҳ таоло "Юнус" сурасида марҳамат қилади:
فَمَنْ أَظْلَمُ مِمَّنِ افْتَرَى عَلَى اللّهِ كَذِبًا أَوْ كَذَّبَ بِآيَاتِهِ إِنَّهُ لاَ يُفْلِحُ الْمُجْرِمُونَ
17. Аллоҳга нисбатан ёлғон тўқиган ёки Унинг оятларини ёлғонга чиқарган кимсадан ҳам золимроқ одам борми?! Албатта, жиноятчилар зафар топмаслар. Валлоҳу аълам!
