Ассалому алайкум! Биз олий таълим муассасасида ўқиймиз. Бир куни ўқишимизга таниқли бизнесменлардан бири келди ва мақсад қўйиш мавзусида семинар-тренинг ўтказди. У Тошкент шаҳрида кенг тарқалган инглиз тилини ўқитиш бўйича ўқув маркази асосчиси, бошлиғи деса ҳам бўлади. У ерда у ҳам ўзининг мақсадлари ҳақида гапириб ўтди ва айтдики, агар мен шу йилнинг охиригача шу русумли машинани ололмасам, шу ерда ўтирган барчангизга ўз марказимда инглиз тилини ўқиш учун 3 ойлик абонемент бераман деди. Ҳеч ким бундай қилинг деб айтмаган у кишига, унинг ўзи шундай ташаббус билан чиққан. Бу гапдан асосий мақсад шу мақсадга эришишга бўлган ҳаракат кўпроқ бўлишидир. У йил ҳам тугади ва айтилгандек ўша машинани ололмапти ва энди қатнашганларга абонемент беришаётган экан. Саволим шуки, бу ҳол ҳам гаров шартига тушадими? Ва бу абонементни олишлик жоиз бўладими?
– Ва алайкум ассалом! Гаров учун икки томондан пул ткилган бўлиши керак. У ерда ваъда ҳам бажаролмаса имтиёз ҳам бир томондан бўлган. Бу гаровга кирмайди. Валлоҳу аълам!