Эхромдан чиқишда ўзини сочини олиш
19:08 / 23.02.2020 | Dilfuza Muzafar qizi | 3240
Ассалому алайкум! Эхромдан чиқиш вақтида соч кесиш учун сочини кесиб эхромдан чиққан одамдан ёрдам сўраш керакми ёки ўз ўзини сочини калталаши мумкинми? Мен бир жимжилоқ миқдорида ўзимни сочимни кесган эдим, лекин элликбошимиз нотўғри қилибсиз сочини эхромдан чиққан одам кесиши керак эди деди. Лекин хазратнинг китобларида хам бошқа умра қўлланмаларида хам соч кесилади дейилган холос.
«Зикр аҳлидан сўранг» ҳайъати:
– Ва алайкум ассалом! Эллик бошининг гапи бир жиҳатдан тўғри бир жиҳатдан нотўғри. Эҳромдаги одам соч кесиш амалиётига ўзи етиб келмагунича бошқаларни сочини олиши жиноят. Соч олиш амалиётига етиб келганида эса ўзини сочини оладими, бошқаникини оладими фарқи йўқ. Валлоҳу аълам!
