Намоз хакида
00:00 / 04.03.2012 | eski savollar | 1836
Ассалому алайкум устоз, сизга битта саволим бор эди, намозда кабирни, килган гунохларимизни куз олдимизга келтириб йиглаб номоз укиш мумкинми? Жавобингиз учун олдиндан рахмат.
Шайх Муҳаммад Содиқ Муҳаммад Юсуф роҳимаҳуллоҳ:
Агар охират учун намоз ичида овоз чиқариб йиғланса, намоз бузилмайди. Бунинг далили қуйидагича:Муторрифдан, у отасидан ривоят қилади: «Расулуллоҳ соллаллоҳу алайҳи васалламнинг намоз ўқиётганларини кўрдим. Кўксиларидаги йиғидан тегирмоннинг ёки қозоннинг овозига ўхшаш овоз чиқиб турар эди». Икковини «Сунан» эгалари ривоят қилишган.Мусийбат туфайли овоз чиқариб йиғласа, намози бузилади.
