Жанозани онлайн ўқиш

– Ва алайкум ассалом! Бўлмайди. Жанозада эса шу билан бирга маййит олдида бўлиши ҳам шарт. Барча фатво китобларимизда иқтидони дуруст бўлиши учун имом билан иқтидо қилувчи битта жойда бўлиши шарт дейилган. Мабодо масжиддан ташқари жойда саф уланмаса жамоатдан алоҳида турганнинг намози дуруст бўлмайди дейилган. Агар ҳайит намозларидаги каби саф уланиб-уланиб масжиддан ташқари узоқ масофагача етиб борса ҳам саф уланганлиги туфайли битта жойда туришган ҳисобланади – дейилган. Сиз айтган ҳолатда эса ўша шарт топилмаган бўлади, иқтидо ҳам дуруст бўлмайди. Бу худди намознинг шартларидан бири бўлган таҳоратсиз намоз ўқигандек бўлади. Валлоҳу аълам!