Эр молига жавобгарлик
Ассалому алайкум! Билишимча ҳар биримиз топган мол дунёимиз ҳар бир чақамизни жавобини берамиз, қанчалик дунёйимиз кўп бўлса сирот кўпригидаги жаннатга кириш йўли шунчалик узун, асрлаб бўлар экан. Эрим тўплаган мол дунё учун мен ҳам тенг жавобгар бўламанми ёки эрим томонида менга қилинган ҳаражатлар, еганларимиз, кийим кечак, тилла буюмлар, фойланаётган уйим, машина ҳадиялари учун жавобгарманми? Шу манзилимни қисқартириш учун мен қандай йўл тутишим керак?
2). Ён қўшнимни кўчада тут дархти бор. Ҳар сафар териб есам розилик сўраб қўяман, улар бемалол беҳижолат олиб ейишимиз мумкинлигини айтишган. Мен шунда ҳам ҳар сафар аввал розилик сўраб кейин ейишим керакми?
– Ва алайкум ассалом! 1). Уламоларимиз яшаш тарзини тўртга бўлганлар.
1). Раҳойиш – кун кечирса бўладиган уйли, жойли кийим-кечак, озиқ-овқат билан кифояланиш, жоиз.
2). Осойиш – имконияти бўлса юқорида зикр қилинганларнинг ҳар биридаги қулайликлардан фойдаланиш, жоиз.
3). Зебойиш – юқорида зикр қилинганларни кўрганда кўз қувонадиган даражада бўлиши, жоиз.
4). Намойиш – барчасида фахрни ирода қилиш, жоиз эмас.
Қолаверса, инсонга умр ва бойлик охиратга зодироҳилани кўпайтириш учун берилади. Уларни арзимас, вақтинча бўлиб, кейин йўқ бўладиган нарсаларга сарфлаш ақлли инсоннинг иши эмас.
عن أبي هريرة رَضِي اللهُ عَنْهُ أن النبي صلى الله عليه و سلم أمر عائشة أن تذبح شاة فقسمتها بين الجيران وكان أحب الشاة إلى رسول الله [ ص 121 ] صلى الله عليه و سلم الذراع فلما جاء رسول الله صلى الله عليه و سلم قالت عائشة ما بقي عندنا شيء إلا هذا الذراع فقال رسول الله صلى الله عليه و سلم كلها بقي إلا الذراع
Абу Ҳурайра розияллоҳу анҳудан ривоят қилинади:
"Набий соллаллоҳу алайҳи васаллам Оишага бир қўй сўйишга буюрдилар. Оиша (уни сўйдириб) қўшниларга тақсимлаб берди. Қўйдан Расулуллоҳ соллаллоҳу алайҳи васаллам энг суюкли жоийи қўли бўлар эди. Расулуллоҳ соллаллоҳу алайҳи васаллам келганларида Оиша : “Хузуримизда қўйнинг шу қўлидан бошқа ҳеч нарса қолмади” деди. Шунда Расулуллоҳ соллаллоҳу алайҳи васаллам : “Қўлидан бошқа ҳаммаси(савоби захира бўлиб) қолибди” дедилар".
2). Тут борасида бир марта олган розилигингиз етади. Валлоҳу аълам!
