Пайғамбар алайҳиссаломнинг меросими?

- Анас розияллоҳу анҳудан ривоят қилинади:«Расулуллоҳ соллаллоҳу алайҳи васаллам тошни отиб, қурбонликларини сўйиб бўлганларидан кейин сартарошга ўнг томонларини тутдилар. У сочни олди. У зот уни Абу Толҳага бердилар. Сўнгра сартарошга чап томонларини тутдилар. У сочни олди. У зот уни Абу Толҳага бердилар ва: «Уни одамларга тақсимлаб бер», дедилар».Бошқа бир ривоятда:«Бас, у уни бир тола, икки толадан қилиб, одамларга улашди», дейилган.Тўртовлари ривоят қилишган.Уламоларимиз ушбу ҳадиси шарифни аҳли солиҳ кишиларга тегишли нарсаларни табаррук сифатида сақлашга далил дейдилар. Ўшанда кишилар томонидан тақсимлаб олинган Пайғамбар соллаллоҳу алайҳи васалламнинг муборак сочлари ҳозиргача мусулмонлар учун табаррук бўлиб келмоқда. Истамбулда ўша муборак сочдан музейда сақланмоқда. Сиз айтган толалар ҳам ўша толалардан бўлиши мумкин.