Таҳоратда тирноқ орасига сув киргазиш
21:02 / 17.06.2020 | Zuhriddin | 1620
Ассалому алайкум! Зикр аҳлидан сўранг ҳаяти томонидан бериладиган жавоблардан бирида таҳорат олганда тирноқ остига ҳам сув етказиш керак дейилган экан. Менинг тирноқларим оёқ терисига зич бўлиб тегиб ўсади (одатда теридан узун қилиб ўстирмайман). Доим тирноқларни тагидан олиб юриш осон иш эмас. Тирноқларим оёқ терисидан узун бўлмаган (тери билан зич) ҳолатда тирноқ остига сув бормай қолса таҳорат дуруст бўладими?
«Зикр аҳлидан сўранг» ҳайъати:
– Ва алайкум ассалом! Шунинг учун сув билан ўша жойларни ишқалаб қўясиз. Бирор мослама билан орасини очиб сув етказиш шарт эмас. Валлоҳу аълам!
