Шу ҳунар шариатга тӯғри келадими
Ассалому алайкум! Мен устоман, парабалический антена тӯғирлайман, тв каналлар очаман. Шу касб шариатга тӯғри келадими? Мен одамларни Аллоҳнинг зикридан қайтарган бӯлмайманми?
– Ва алайкум ассалом! Исломда “Динда яхшиликда ҳамкор бўлинглар, ёмонлик ва гуноҳда ҳамкор бўлманглар” деган қоидани айтилган. Ўзингиз шунга солиб кўринг. Ишлаб чиқариладиган нарсалар уч турга бўлинади. Фақат гуноҳ учун ишлаб чиқариладиганлар, фақат яхшилик учун ишлаб чиқариладиганлар ва умумий мақсадда ишлаб чиқариладиганлар. Аммо кимдир уларни яхши мақсадда ва кимдир уни ёмон мақсадда ишлатади. Масалан оддий пичоқ. Кимдир ундан ошхоналарда яхши ишларга фойдаланади. Кимдир у билан жиноят содир қилади. Ҳозирги кундаги телефон, радио, интернет кабилар ҳам худди шундай. Сизни антенангизни ҳам кимдир яхши мақсадда ҳам кимдир ёмон мақсадда ҳам фойдаланадиган бўлиб, шунга тушса қилиш жоиз. Ёмон мақсадда фойдаланишини очиқ-ойдин айтса унга бу ишни қилиб беришингиз жоиз эмас. Бу худди билиб туриб қотилга пичоқ ясаб бергандек бўлади. Валлоҳу аълам!
