Даромадимдан эҳсон қилиш

Ассалому алайкум! Мен давлат муассасасида ишлайман, хамда қўшимча ишим ҳам бор. Шу йил бошидан қўшимча топаётган даромадимни тенг ярмига Аллоҳни шерик қилиб, даромадни тенг ярмини Аллоҳ ёълида, мухтожманд, эхтиёжманд, зарурати бор инсонларга эхсон қилишга ваада бергандим ва Аллоҳнинг ўзи қўллаб шу ишни қилиб келаётган эдим. Лекин оиламизнинг қарзи бор, қарз берувчи муддат белгиламаган бўлса хам лекин бўйнимизда қарзимиз бор. Қарзни отам олганлар, оила эхтиёжи учун. Отам ишлайдилар(даромадлари қарз узишга етмайди). Саволим, мен қўшимча даромадимни эхсон қилишим тўғрими? (Аллоҳга ваада қилганман!) Ёки аввал қазларни узишимиз керакми?