Аварияда вафот қилган кишига хун тўланадими?

Ассалому алайкум Муҳтарам Шайх ҳазратлари. Саволим 15 йил олдин бўлиб ўтган иш тўғрисида. 15 йил олдин отам билан поччам ва яна бир киши савдо мақсадида Қозоғистонга кетишган, пулни отам тўлаганлар, у ерга боришга поччам отамни чақириб олиб кетганлар. Ишлари тугаганидан сўнг қайтиб келишаётганида (отамнинг машиналарида, отам рулда бўлганлар) йўлда авария содир бўлган, юк машинасига туқнашиб кетишган. Машинадагиларнинг ҳаммаси вафот этишган, яъни отам, поччам ва яна бир киши. Поччам отамдан пул қарз бўлганлар, лекин авариядан кейин поччамми (аммамниннг эрлари) қарзлари тўғрисида умуман гап чиқмаган, уни устига қарз бераётганларида дадам тилхат ёздирмаганлар, лекин ҳамма билган. Бувимлар онамларга (онамларнинг айтишлари бўйича) аммамнинг хун пули олишга хақлари борлигини, лекин қарз ҳисобига хун пулини кириб кетишини айтганлар. Ҳозирги вақтда отамларнинг меросларини қайтариб олиш, қарзларини тўлаш ҳаракатида юрибмиз. Шу ҳолатда хун пулини тўлашимиз керакми, қанча бўлади аварияда ўлиб қолган одамнинг пули? Қарзни аммамнинг ўғилларидан сўрашимиз керакми? Учинчи киши ҳам вафот этган, биз уни танимаймиз, илтимос, шу масалага ёрдам бериб юборинг. Раҳмат!