Ечиниш гуноҳ бўладими
Ассалому алайкум! Зиё.уз сайтидан кўриб қолдим эр хотин бирга бўлган пайтларида ечиниб яъни яланғоч холларида қўшилса гуноҳ бўлмайдими деган саволга улар эр хотини билан кийимларини ечмай қўшилиши маъқул эмас. Зеро, бу ҳолда истаганидек тўла лаззат ололмайди. Эр-хотиннинг иккиси ҳам қўшилишдан олдин тўла ечинса, яхши бўлади. Чунки улар бир-бирларининг ҳамма аъзоларига, жумладан, жинсий аъзоларига ҳам қарашлари мумкин. Бунда гуноҳ йўқ. Шундай деб жавоб берганлар. Шу тўғрими?
– Ва алайкум ассалом! Устига чойшаб ташлаб олсин.
عن أبي هريرة رضي الله عنه قال : قال رسول الله صلى الله عليه وسلم : إذا أتى أحدُكم أهله فليستتر , فإنه إذا لم يستتر استحيت الملائكة فخرجت , فإذا كان بينهما ولد كان للشيطان فيه نصيب .رواه الطبراني في " المعجم الأوسط
Абу Ҳурайра розияллоҳу анҳудан ривоят қилинади :
Расулуллоҳ соллаллоҳу алайҳи васаллам : “Бирортангиз аҳлига яқинлик қилганида тўсиниб олсин. Чунки тўсинмаса фаришталар ҳаё қилиб чиқиб кетишади. Агар ораларида фарзанд пайдо бўлса, унда шайтоннинг насибаси бўлади” дедилар. Табароний ривояти.
عن أبي أمامة رضي الله عنه قال : قال رسول الله صلى الله عليه وسلم : إذا أتى أحدكم أهله فليستر عليه وعلى أهله , ولا يتعريان تعري الحمير. رواه الطبراني
Абу Умома розияллоҳу анҳудан ривоят қилинади :
Расулуллоҳ соллаллоҳу алайҳи васаллам : “Бирортангиз аҳлига яқинлик қилганида ўзини ва аёлининг устини ёпсин. Эшакнинг яланғоч бўлгани каби яланғоч бўлиб олишмасин” дедилар. Табароний ривояти. Валлоҳу аълам!
