Хуфтонга азонни эрта айтиш
15:40 / 02.07.2021 | Bakhtiyor Mirzaev | 1204
Ассалому алайкум! Водийдаги қариндошим айтишича ёнларидаги масжид хуфтон намоз вақти кирмасидан 21:10 да азон чақирилар экан. Асли хуфтон вақти 21:25 кирар экан. Бу вақтидан олдинги азон чақиришидан мақсад азон чақириғига тўпланган жамоага маруза қилиш экан. Шундай қилиш жоизми?
«Зикр аҳлидан сўранг» ҳайъати:
– Ва алайкум ассалом! Тўғри тақвимдаги хуфтоннинг вақти кирган бўлиши шарт. Акс ҳолда вақти кирмаган бўлса азонни эшитган одамлар намозларини вақти кирмасдан ўқиб юборишига сабаб бўлади. Шунингдек хуфтон намози азон суннатисиз адо этилган бўлади. Валлоҳу аълам!
