Расмни программада ўзгартириш
11:50 / 13.07.2021 | davron | 1642
Ассалому алайкум! Масалан, одам керак бўлган жойга ҳужжат тайёрлаётганда, шу ҳужжатга костюм ва голстук тушган сурати керак бўлса, масалан оддий кўча кийимда расмга тушиб, фотошопда костум ва голстук қўйдириб олса ва шу расмни чиқариб, керак бўлган жойга топширса, бу ерда ҳам гуноҳ йўқми? Бу ерда алдов йўқми?
«Зикр аҳлидан сўранг» ҳайъати:
– Ва алайкум ассалом! Алдов, ёлғон деб одатда ҳақиқатни тескарисини бир мақсад ила бузиб кўрсатилишига айтилади. Бу ерда кимнидир алдаш мақсади йўқ. Ҳужжатдаги расм хушрўй бўлиб кўриниши учун шундай қилинади. Бу билан одам ўзини бой, имкониятли қилиб кўрсатиб, унинг ортидан бирор ғаразли мақсади бўлмайди. Шунинг учун бу каби ҳолатлар алдов ҳисобланмайди. Ҳужжат берувчилар ҳам бу ҳолатни яхши билишади. Валлоҳу аълам!
