Ўртадаги воситачилик

Ассалому алайкум! Яқинда менинг бир дўстим яхшигина даромадли иш таклиф этди. Яъни мен унга бизнесини юритиш учун инвестор топиб беришим керак. Инвестор бор. Инвестиция қилинадиган пулдан мўмайгина даромад олса бўлади. Инвестор ҳам бунга рози. Ўртада ҳатто даромаднинг бир қисмига мени ҳам шерик қилишмоқчи. Лекин мен у ерда умуман ҳеч қандай вазифа бажармайман. Мени қийнаётган масала шуки, менга таклиф қилинган даромаддан улуш ҳалолми ёки ҳаромми? Ҳар иккала томон ҳам мени даромадга шерик бўлишимга чин кўнгилдан рози. Масаланинг асосий томони хавф-хатардир. Яъни фойда олмаслик ёки зарар кўришлик хавфи асосан инвестор ва маҳсулот олиб келаётган одамга тушади. Менга ҳеч қандай хавф туғдирмайди. Мен ўз билганимча бу иш менга ҳалол эмас деб жавоб бердим. Лекин қисташяпти. Мен шу ишга қўшилсам ва даромадга шерик бўлсам ҳалолми ёки ҳаромми? Агар ҳаром бўлса қандай йўл тутсам ҳалол бўлади?