Унаштирилган қиз бошқа бола билан билан "гаплашса"...
Ассалому алайкум! Бир биродарим бир неча ой олдин бир қизнинг номусига тегиб қўйган эди. Қилган аҳмоқгарчилигини ёпиш мақсадида қиз билан унаштирилди, 2 ойдан кейин тўй бўлиши керак эди, лекин куни кеча у қизнинг бошқа бир йигит билан телефонда суҳбатлашиб юрганини ушлаб олди. Қизнинг номусига текканини ҳеч ким билмайди, қандай йўл тутишни билмай мендан маслаҳат сўради. Мен эса ҳақ йўл истаб сизларга мурожаат қилмоқдаман. Қандай йўл тутиши лозим.
– Ва алайкум ассалом! “Биродар”ингиз ҳали тавба қилганга ўхшамайди. Аввало тавба қилсин. Қайтиб бу ишни қилмасликка азму қарор берсин. Бу уни қилган зиноси учун бериладиган жазоларнинг мингдан бири. Тавба қилиб, тўхтамаса бундан баттар бўлади. Тезроқ тўй қилиб уйлансин. Аллоҳнинг буюрганига юриб, қайтарганидан қайтсин. Ибодатларини қолдирмай қилиб юрсин. Ўша қизни тарбияланишига сабаб бўлсин. Шунда тавбаси қабул бўлишидан умид қилса бўлади. Валлоҳу аълам!
