Ётоқхонадаги гўшт ҳақида
12:33 / 27.08.2021 | saban oglu | 1237
Ассалому алайкум! Мен қурилишда ишлайман. Бизга ётоқхона ва 3 маҳал овқат беради. Мен билан бирга ишлайдиган ўртоғим гўштли овқатдан емайди. Сабабини сўрасам “бу қанақа қилиб сўйилган, бисмиллаҳ айтилган айтилмаганини билмайман. Шуни учун емайман” дейди. Кўзим билан кўрмаган ёки ўзим танийдиган ишончли қассоб бўлмаса гўштдан емас экан. Савол шариатимизда бунга қандай қаралади, бу тўғрими?
«Зикр аҳлидан сўранг» ҳайъати:
– Ва алайкум ассалом! Мусулмон киши шариатга кўра ҳалол таом ва шароб еб-ичиши талаб қилинади. Ўртоғингизни қилган иши тўғри. Гўшт шариатга мувофиқ сўйилгани аниқ бўлмаса, уни ейиш мумкин эмас. Валлоҳу аълам!
