Витрда намозида хатога йўл қўйса
15:22 / 31.08.2021 | Мусулмон | 1189
Ассалму алайкум! Агар намозхон витрнинг учинчи ракатидаги зам сурани ўқиб бўлиб қунутга қилинадиган "Аллоҳу Акбар" такбирини айтиш ва қунутни ўқишлик ёдидан кўтарилиб бирданига рукуга кетиб қолса ва қунутни ўқимаганлиги рукудалигида ёки рукудан қайтишда ёдига тушса, саждаи савҳ вожиб бўладими?
«Зикр аҳлидан сўранг» ҳайъати:
– Ва алайкум ассалом! Ҳа, саждаи саҳв вожиб бўлади. Чунки витрда қунут дуосини ўқиш вожиб амалдир. Вожибни унутиб тарк қилса, саждаи саҳв билан намози саҳиҳ бўлади. Валлоҳу аълам!
