Ғусл шартми?
23:54 / 16.09.2021 | Кудратилло | 1457
Ассалому алайкум! Тиббиётда жинсий касалликларни аниқлаш учун эркак уруғини текшириш тахлили бор. Бунда текширилувчи бир хонага кириб уруғини бир идишга ажратиб беради ва шундан олиниб микроскоп ёрдамида уруқ хўжайралар текширилади. Бир танишим бундай текширув ўтказган шифокор бу тахлилни ўтказгандан сўнг чўмилиш керак деб қолди. Бу фикр тўғрими? Текширувчи бунда қўлқопда ва бошқа химоя воситасида бўлади, яни бу суюқлик текширувчи баданига тегмайди. Агарда бу суюқлик текширувчи терисига ёки кийимига томса хукм қандай?
«Зикр аҳлидан сўранг» ҳайъати:
– Ва алайкум ассалом! Анализ олган шифокорга ғусл вожиб бўлмайди. Бу нажосати хафифа ҳисобланиб, ўша ерни ўзи уч маротаба ювиб-сиқиб ташлаш керак. Валлоҳу аълам!
