Кабага йиғилган пуллар
19:06 / 23.09.2021 | Умидбек | 890
Ассалому алайкум! Мусулмон ахли борки хажга пул йигади, оддий камбагал дехкон ёки курувчигача, улар арабистонга пул ташийди, бу пуллар нимага сарфланади? Араблар дубайни куришди, денгизларда касрлар куришди, хатто бухорога келиб кумда ов килишади буни кандай изохлайсиз?
«Зикр аҳлидан сўранг» ҳайъати:
– Ва алайкум ассалом! Ҳаж Исломнинг беш асосларидан бири. Имкони бўлган мусулмон ҳаж қилиши шарт. Бунинг арабларга алоқаси йўқ. Аллоҳнинг байтини тавоф қилиш, Расули Акрам соллаллоҳу алайҳи васалламни зиёрат қилиш мусулмон кишиларнинг орзуси ҳисобланади. Буни тушуниш учун кишида ўша орзу бўлиш керак. Одамлар тўлаётган пуллари ўзларини ўша ердаги яшаш харажатларига сарфланади. Каъба атрофида яшайдиган арабларни Дубайнинг қурилишига алоқаси йўқ. Валлоҳу аълам!
