Ҳақни адо қилиш
23:08 / 26.10.2021 | Хамидилло Режапов | 783
Ассалому алайкум! 1. Онам болалар боғчасида ишлаган, ҳозир нафақада биз ҳам мактабга киргандан кейин ҳам онамни олдига борардик ортиб қолган овқатлардан еганмиз ва уйга нон ва ортиб қолган нарсалардан олиб келарди. 2. Савдо соҳасида ишлаганман бошқарувчимиз белгилаб берган нархни устига қўшимча нарх қўйиб сотганман. Иккала саволдаги ҳолатни гуноҳ эканини кеч бўлса ҳам тушиндик. Гуноҳлардан афсусдамиз ҳақдорларни топиш қийин иш, нима қилсак бу гуноҳлардан фориғ бўламиз?
«Зикр аҳлидан сўранг» ҳайъати:
– Ва алайкум ассалом! Ўша олинган ва ейилган нарсаларни чамалаб, ортиғи билан савоб умид қилмай эгаларининг номидан фақир-камбағалларга садақа қилиб юборилади. Валлоҳу аълам!
