Ўғирлик

Ассалому алайкум! 1 йил олдин озиқ-овқат дўконида дўстим билан ишлар эдик. У пайтда динимиз ҳақида умуман тушунчага эмас эдик. Ҳозир Алҳамдулиллаҳ Аллоҳ бизга ибодатларда қоим бўлишни ва гуноҳлардан чекланишимизни осон қилди. Ишимиз пайтида ҳар хил кичик-кичик мевалар(майда мандарин, эскирган банан, эскирган олма каби) яширинча тарзда истеъмол қилардик. Ҳозир эса бу қилган ишимиз катта гуноҳ эканлигини тушуниб етиб, айбимизни ювмоқчимиз. Лекин дўкон эгаси олдига боришга уяляпмиз. Саволим шуки, у ерда ишлайдиган яқин бир танишимиз бор(аёл киши). Ўғирлаган нарсамизни ҳаққини ортиғи билан тўлаб, Узримизни ўша аёл орқали етказсак бўладими? Дўкон эгаси бизни кечиришини умид қиляпмиз, сабаби биз қайтармоқчи бўлган пулга дўкон эгасининг эҳтиёжи йўқ(таҳминан йигирма минг сўм атрофида). Буни ортиғи билан қайтармоқчимиз(гумонимиз ғолиб бўлиши учун). Пулни ўша аёл орқали бериб, узримизни етқазишини сўрашимиз тўғрими? Дўкон эгаси бизни кечиришидан умидимиз катта(сабаби юқоридагидек...).