Намозга оид
20:19 / 26.02.2022 | abdurauf | 906
Ассалому алайкум! Тўйхонада ишлайман. Маросимлар одатда аср ва шом пайтида бўлиб ўтади. Ташриф буюрганлар ичида аёллар кўпсиликни ташкил қилади. Аёлларнинг деярли барчаси намозларни ўтирган стулларида базм бўлаётган залда ўқишади ишора қилиб столга бошини сқойиб сажда қилишади. Қиблага қарамасдан айлана стол болса айланасига отириб оқишади. алоҳида хоналар бор. Деярли барча тойхоналарни 2 қавати хозир бош. Шундай намоз оқишлари жоизми?
«Зикр аҳлидан сўранг» ҳайъати:
– Ва алайкум ассалом! Жоиз эмас. Аёллар столда ўтириб олиб бир-бирига қараб ўқиган намозларида бир неча фарзлар топилмайди. Улардан қибла ва қиём(тик туриш). Икки фарзи топилмасдан ўқилган намозни адо бўлди дейилмайди. Уни қайта ўқиш, агар вақти чиқиб кетган бўлса қазосини ўқиш шарт бўлади. Валлоҳу аълам!
