Дугонамнинг ишлари
Ассалому алайкум! Дугонам банкда ишлайди(адашмасам кредит ерда ишлаш харом) ва ундан ташқари у ойлигидан солиқ тўламаслик учун атай ойлигини страхованияга ўтказади, дарров неча кун мобайнида солиқ учун тўланиши керак бўлганда сумма билан оладилар, адашмасам, динимизда солиқ тўлашдан қочиш гунох? Шунга илтимос манга мисоллар билан ёрдам беринг, дугонамни хато қилишини, гунохга ботишини истамайман.
– Ва алайкум ассалом! Анъанавий суғурта кўп ҳолларда қимор, ғарар ва рибо устига қурилган бўлади. Бу эса шариатимизда ҳаром қилинган:
عن أبي هريرة رَضِي اللهُ عَنْهُ قَالَ رَسُولُ اللهِ صَلَّى اللهُ عَلَيْهِ وَسَلَّمَ الرِّبَا سَبْعُونَ حَوْبًا، أَيْسَرُهَا نِكَاحُ الرَّجُلِ أُمَّهُ، وَأَرْبَى الرِّبَا : اسْتِطَالَةُ الرَّجُلِ فِي عِرْضِ أَخِيهِ. ورواه الإمام أحمد في المسند
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Рибо етмиш жуздир, уни(гуноҳи)нг энг енгили киши онаси билан яқинлик қилиш билан баробардир. Рибонинг энг каттаси киши ўз биродарининг обрўсини тўкишдир”.
Имом Аҳмад “Муснад”ларида ривоят қилганлар.
عن عبد الله بن حنظلة غسيل الملائكة قال: قال رسول الله صلى الله عليه وسلم درهم ربا يأكله الرجل وهو يعلم أشد من ست وثلاثين زنية. رواه أحمد، والطبراني في الكبير
Абдуллоҳ ибн Ҳанзала(фаришталар ғусл қилдирган зот) розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Киши билиб туриб рибодан бир дирҳам ейиши 36 бор зино қилишдан қаттиқдир” дедилар.
Имом Аҳамад ва Табаронийлар ривояти. Валлоҳу аълам!
