Муддатли тўлов
Ассалому алайкум! Мен муддатли тўловга ноутбук олмоқчиман Ин Шаа Аллоҳ ўзини нархи 9 млн атрофида муддатли тўлов қилсангиз 12 млн сўм атрофида бўларкан. Шу тўловни тўлиқ тарзда банк тўлаб бераркан 12 млн сўмни. Кейин ман шу 12 млн сўмни банкга бир йил ойма тўлаб беришим кере бўлади. Шунақа қилсам жоизми?
– Ва алайкум ассалом! Жоиз эмас. Банк сизга 9 млн қарз беради ва қайтариб олишда 12 млн қилиб олади. Бу шариатимизда рибо бўлиб унинг ҳукми қуйидаги ҳадисда келади:
عن أبي هريرة رَضِي اللهُ عَنْهُ قَالَ رَسُولُ اللهِ صَلَّى اللهُ عَلَيْهِ وَسَلَّمَ الرِّبَا سَبْعُونَ حَوْبًا، أَيْسَرُهَا نِكَاحُ الرَّجُلِ أُمَّهُ، وَأَرْبَى الرِّبَا : اسْتِطَالَةُ الرَّجُلِ فِي عِرْضِ أَخِيهِ. ورواه الإمام أحمد في المسند
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Рибо етмиш жуздир, уни(гуноҳи)нг энг енгили киши онаси билан яқинлик қилиш билан баробардир. Рибонинг энг каттаси киши ўз биродарининг обрўсини тўкишдир”.
Имом Аҳмад “Муснад”ларида ривоят қилганлар.
عن عبد الله بن حنظلة غسيل الملائكة قال: قال رسول الله صلى الله عليه وسلم درهم ربا يأكله الرجل وهو يعلم أشد من ست وثلاثين زنية. رواه أحمد، والطبراني في الكبير
Абдуллоҳ ибн Ҳанзала(фаришталар ғусл қилдирган зот) розияллоҳу анҳудан ривоят қилинади:
Расулуллоҳ соллаллоҳу алайҳи васаллам “Киши билиб туриб рибодан бир дирҳам ейиши 36 бор зино қилишдан қаттиқдир” дедилар.
Имом Аҳамад ва Табаронийлар ривояти. Валлоҳу аълам!
