Намозни қандай ўқийдилар
Ассалому алайкум! Онам ичакларини саратон касали туфайли амалиёт килишди. Яра чиққан ичакни кесиб ташлаб ичакни қоринларидан бир учини чиқариб қўйишган, стома деб айтар экан фан тилида. Тахорат қиладилар лекин намоз пайтида нажосат хам ел хам чиқиб кетаверади намозни пок холатда ўқиш керак, онамла бенамоз бўлиб юролмидила лекин бу холатдаги намозларим ўтармикин диб йиғлайверадилар. 1 ярим йилдан бери шу холатда юрибдила намозларини қандай ўқисалар комил бўлади?
– Ва алайкум ассалом! Онангиз катта эҳтимол билан соҳиби узрга айланган бўлсалар керак.
Қуйидаги линкда берилган мақолани ўқинг:
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَي الله عَلَيْهِ وَسَلَّم قَالَ: الشُّهَدَاءُ خَمْسٌ: الْمَطْعُونُ، وَالْمَبْطُونُ، وَالْغَرِيقُ، وَصَاحِبُ الْهَدْمِ، وَالشَّهِيدُ فِي سَبِيلِ اللهِ. رَوَاهُ الْخَمْسَةُ إِلَّا أَبَا دَاوُدَ
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Шаҳидлар бештадир: вабода ўлган, қорин касаллиги билан ўлган, сувга ғарқ бўлиб ўлган, қулаган нарсанинг остида қолиб ўлган ва Аллоҳнинг йўлида шаҳид бўлганлар», дедилар.
Бешовларидан фақат Абу Довуд ривоят қилмаган.
Шарҳ: «Шаҳидлар бештадир»:
а) «Вабода ўлган». Бир юртга вабо тарқалса-ю, у ердаги одам Исломда вабо тарқалган жойдан бошқа жойга чиқиб бўлмайди, деб ўша ерда сабр қилиб туриб, ўлса, шаҳид бўлади. Чунки у одам динимиз ҳукмига амал қилди ва вабонинг бошқа томонларга тарқалмаслиги учун ҳисса қўшди.
б) «Қорин касаллиги билан ўлган». Бу ҳам ўлимнинг киши афсус қиладиган даражадаги бир туридир. Хусусан, ўша вақтларда бу дардга нисбатан алоҳида эътибор билан қаралган бўлиши мумкин.
в) «Сувга ғарқ бўлиб ўлган». Бу ҳам тўсатдан ва фожиали равишда келадиган ўлим эканлиги ҳаммага маълум. Шунинг учун ҳам бундай ўлим топган одам шаҳид ҳукмида бўлади.
г) «Қулаган нарсанинг остида қолиб ўлган». Ўша вақтларда йиқилган деворнинг остида қолиб ўлиш ҳолатлари кўп бўлган. Бу ўлим ҳам чўкиб ўлиш каби тўсатдан ва фожиали бўлганлиги учун бундай ўлим топган одамга ҳам шаҳидлик ҳукми берилган.
д) «Аллоҳнинг йўлида шаҳид бўлганлар». Булар душманларга қарши Ислом йўлидаги жангда ҳалок бўлган кишилардир. Ҳақиқий шаҳидлар шулар эканлиги ҳаммага маълум. (“Ҳадис ва Ҳаёт” китобидан). Валлоҳу аълам!
