Қарзим ёки закотим
14:51 / 10.04.2022 | Бехзод | 809
Ассалому алайкум! Мени қарзим бор 300 $ доллар атрофида. Рамазонга 5-6 кун қолди иншааллох. Закотни хар йили рамазонда берар эдим. Берадиган закотим қарзимдан камроқ тахминан 200-250$ доллар атрофида, валлоху аълам. Мен дуконда кийим-кечак сотаман, шу менинг нисобим. Хозирги шароит тақозоси билан иккисидан бирига қурбим етиши мумкин. Қарзимни берсам закот беришга шароитим болмай қолиши эхтимоли катта. Закотимни орқага чўзиб турайми? Ман қандай йўл тутишим керак?
«Зикр аҳлидан сўранг» ҳайъати:
– Ва алайкум ассалом! Аввал қарзларингизни беринг. Шундан қўлингизда қолгани нисобга етса кейин сиз закот берадиган бой ҳисобланасиз. Акс ҳолда сизга закот фарз бўлмайди. Валлоҳу аълам!
