Синглимни рўза тутиши
06:22 / 09.05.2022 | Sevarakhon | 728
Ассалому алайкум! 12 ёшлик синглим рўза тутишда қийланяпти ёки сабр қила олмасдан ёки нафсданми рўза тутмайман, мактабда хеч қайси синфдошим тутмайди қорни очиб кетяпти деб хар куни сахарликда муаммо қиляпти, онам бўлсалар мажбурлаб сахарликка тургизиб тутишда мажбурлаяпти. Албатта биламиз рўза тутишимиз фарз лекин бу йўл синглимда фақат нафрат уйғонаятгандай.
«Зикр аҳлидан сўранг» ҳайъати:
– Ва алайкум ассалом! Синглингиз балоғатга етган бўлса, рўза тутиши керак. Мактабдаги синфдошлари рўза тутмаганлиги туфайли унга бу яна ҳам қийин туюлаётган бўлиши мумкин. Вазиятни тўғри ўрганиб сингингизни ибодатларга қизиқтиришингиз керак. Ўзи билан тенг бирор ибодатли қиз билан дугона қилиб қўйсангиз ҳам яхши ўзгариш бўлади. Валлоҳу аълам!
