Тавба
19:58 / 10.05.2022 | Diyorbek | 749
Ассалому алайкум! Агар мен ёмон видеоларни кўришликдан тавба қилсаму лекин кўриб қўйсам каффорат вожиб бўладими? Энди яна тавба қилсам гуноҳим кечириладими, яъни тавбам қабул бўладими?
«Зикр аҳлидан сўранг» ҳайъати:
– Ва алайкум ассалом! Аллоҳ таоло насуҳ тавба қилган банданинг ҳар қандай гуноҳини кечиради. Аммо айрим гуноҳлар борки бандани ризқини торайишига сабаб бўлади. Яна айримлари солиҳ амаллардан, тоат-ибодатлардан совутиб қўяди. Яна айримлари Раббисидан узоқлаштириб юборади. Яна айримлари борки унга муккасидан кетган кимсани охир-оқибат иймондан айиради. Сиз ҳам шу охирги ҳолатга тушиб қолишдан қўрқинг. Валлоҳу аълам!
