Вазиятни билмай келишиб олиш
16:24 / 28.05.2022 | Islom | 688
Ассалому алайкум! Мени бир ўртоғим Ангиляда иш борлигини кетишга 3500$ кетишини айтди мен рози бўлдим. 2500$ни бердим, 1000$ни ишлаб бергани келишдик. Ангиляга келиб билсам келиш харажатларига 1500$ кетаркан, кўпчилик одамлар ўзлари шундай пул билан келишган экан. Сайтларига ёзиб анкета тўлдирса бўлди экан. Дўстим шу сайтни топиб мендан 1000$ фойдаланиб, яна шунча пул олишни ният қилган. Мен энди қолган 1000$ни бермасам бўйнимда қарз бўлиб қоладими ёки беришим шартми? (Мен бераман деб келишиб келгандим бунчалик арзонлигини билмай).
«Зикр аҳлидан сўранг» ҳайъати:
– Ва алайкум ассалом! Сиз унинг хизматидан фойдаланиб бўлибсиз, энди келишилган пулни беришингиз керак. Сиз унга ҳолатни тушунтириб, пулни камайтиришни сўраб кўринг. Валлоҳу аълам!
