Руҳий хаста йигитни уйлантирса бўладими?
19:03 / 23.08.2022 | Илхом | 1052
Ассалому алайкум! Менинг қайн укам, йигирма беш ёшларида рухий хаста бўлиб қолди. Бир икки мулла, эшонларга олиб бориб ўқитдик фойдаси бўлмади, кейин рухий касаллар шифохонасига олиб бориб мажбурдан ётқизиб даволатдик. Авваллари шифохонага мажбурдан олиб борар эдик, кейинчалик тақдирга тан бериб хар ой ўзи бориб битта уколини олиб келади ва хар кечқурун таблеткасини ичиб ётади. Хозир ёши 36да. Саволим шундан иборатки, бирор бир ўзига мос қиз топиб уйлантирсак бўладими?
«Зикр аҳлидан сўранг» ҳайъати:
– Ва алайкум ассалом! Руҳий ҳаста қиз ёки йигитни никоҳлашда уларга фойда бор деб билинса уларни никоҳлаш жоиз. Бунда нариги тараф келин ёки куёвнинг руҳий ҳаста эканини билиши ва бунга никоҳланувчининг ўзи ва валийлари рози бўлиши лозим. Валлоҳу аълам!
