Хотин намоз ўқимаса
21:08 / 20.09.2022 | Рустам | 819
Ассалому алайкум! Эр намоз ўқиб хотин намоз ўқимаса, эр хотинига намоз ўқигин десаю хотини хўп деб ўқимаса мана шу сабаб эр хотинини талоғини берса тўғрими?
«Зикр аҳлидан сўранг» ҳайъати:
– Ва алайкум ассалом! Нотўғри. Эр киши итоатсизликни кўрганида талоққа шошилмаслиги керак. Талоқ бериш ҳолатнинг ечими эмас. Эрнинг ҳаёти бу билан яхшиланиб қолмайди. Аёл ҳам бу сабабли ибодатга рағбатли бўлиб қолмайди. Балки нафрати ва ғазаби янада зиёда бўлиши, эр эса хасрат ва надоматда қолиши мумкин. Бу ишдан фақатгина шайтон манфаат кўради холос. Ҳақиқий эрлар бундай вазиятда оила аъзоларини тарбия қила олишлари керак. Умматнинг ислоҳ бўлиши мана шу каби нуқталардан бошланади. Валлоҳу аълам!
