Икки йўлнинг қайси бири тўғри?
Ассалому алайкум! Ёшим 20да. Алҳамдулиллаҳ, ишга яроқли соғломман ва ўқишга ҳам иштиёқим баланд. Ҳозир iТга ўқияпман, ишламаяпман. Муаммо шундаки, акам ва дадам кредит олишган. Ўша пулдан бўлган ризқ менга ҳалолми? Уйда онам ва 6-синф синглим бор уларгачи? Ва қайси бир йўлни танлаганим тўғри? 1-ўқиб тезроқ иш топишимдан умид бор, тўлиқ вақтимни ўқишга сарфлаш. 2-ҳалол иш топиб, ҳалол еб, ўқишга ҳам вақт ажратсам яхшими, бу ҳолда iТ соҳасида иш топиш кечакиши мумкин.
– Ва алайкум ассалом! Кредит олиш бу қарз олиб устамаси билан қайтаришдир. Қарз суммаси ҳаром эмас, балки унга фоиз тўлаш ҳаром. Акангиз ва дадангиз қилган ишлари учун тавба ва истиғфор айтишсин, имкон борича тезроқ уни ёпиб юборишсин. Қайта бундай ишга қўл уришмасин. Ўша пулдан фойдаланиш жоиз. Ота-онангиз ўқишингиз учун кўмаклашиб туришган бўлса бор эътиборингизни шунга қаратинг. Тезроқ дунё топаман деб илмдан чалғиб кетманг. Валлоҳу аълам!
