Автокредит

Ассалому алайкум! Ота онам неча йиллардан бери маиший техникаларини кредит қилиб оладилар. Неча марта бундай қилманглар базиси шубхали, базиси харом бўлиши мумкин деб чиройли тушунтиришга харакат қилдим. Биз пул тўплай олмаймиз булар олишимиз зарур бўлган нарсалар нима қилайлик бошқа дейишади. Яқинда машина олишди, ярмидан кўпроғини нақдда тўлаб қолганини банкдан автокредит қилишди. Мени яна ақллилик қилмасин деганми билмадим олиб бўлгандан кейин айтишди. Нимаям дердим бир томондан хурсандман, уларниям табрикладим. Қолганини кредит қилдик дейишганда хурсандчилигини йуққа чиқармай деб, Майли машина ёниларга қоладида деб кўнглини кўтаргандек бўлдим. Нимаям дейман, олиб бўлишган эди. Шу ҳар эсимга тушганда нимага ўшанда қайтармадим нега гапирмадим дейман. Ота онамга ақл ўргатишни хам ўзимга эп кўрмаяпман. Энди бундан буёғига шу каби ишларга кўз юмсам бўлаверадими?