Баъзи жойларга сув текказмасдан таҳорат
01:54 / 24.12.2022 | Элмурод | 815
Ассалому алайкум! Мен кўзимни оператция қилдирдим. Доктор менга юзимни ювмашни ва эгилмасликни айтди. Шу холатда икки савол туғилди. 1. Юзимга сув текказмасдан қандай тахорат олсам бўлади? 2. Эгилиш мумкин эмас бўлса, қандай намоз ўқишим мумкин?
«Зикр аҳлидан сўранг» ҳайъати:
– Ва алайкум ассалом! 1). Юзингизга сув теккизиш касалликни кучайтирадиган бўлса, тузалгунингизча таҳоратда юзни ювиш ўрнига масҳ тортасиз. Ғуслда ҳам шундай.
2). Намозни ўтириб ўқийсиз. Сажда ва рукўни имо-ишора билан қиласиз. Яъни рукў учун ўтирган ҳолингизда бироз эгиласиз, сажда учун эса ундан кўпроқ эгиласиз. Валлоҳу аълам!
