Фоиз эвазига нақд пул ечиш
23:09 / 26.12.2022 | Farhodbek | 657
Ассалому алайкум ! Устозлар 11680-саволда банкоматдан 1 % эвазига нақд пул ечиб олиш жоиз деб фатво берибсизлар. Саволим шуки, демак банкоматларда умуман пул қолмаган пайтда кўчада тадбиркорлардан 2-3 % эвазига нақд пул ечиришимиз ҳам жоизми? Яъни, бу йўл билан рибога қўл урган бўлмаймизми?
«Зикр аҳлидан сўранг» ҳайъати:
– Ва алайкум ассалом! Жоиз эмас. Икки савол бир-бирига ўхшаш эмас. Телеграм каналдаги 11680-савол “банк ўз хизмати учун ҳақ олиши” ҳақида бўлган. Сиз сўраётган савол эса “пулни пулга сотиш” масаласидир. Бунда эвазлар тенгма-тенг бўлиши шарт. Зиёдаси рибодир. Валлоҳу аълам!
