Ўрнига бошқа одам имтиҳон топшириши
Ассалому алайкум! Мени бир яқин дўстим Америкада меега бир онлайн ўқув курсини олиб берган. Яъни ўрнимга ўзи мени номимдан имтиҳон топшириб ҳал қилиб берган. Агар ўзим имтиҳон топширганимда ўша курсга қабул қилинмаслигим эҳтимоли юқори. Эндиликда шу курсни ўқиб тугатсам ва ўша курсда ўрганган билимим сабаб келажакда пул топсам топганим ҳалол бўладими? 2. Курс давамида ҳам ҳар хил имтиҳонлар бўлади. Уларда ҳам ёрдам бериши мумкинми?
– Ва алайкум ассалом! Сизлар ёлғон ва кўзбўямачиликка қўл урибсизлар. Бу ишингиз туфайли кимгадир моддий зарар етган бўлса охиратда ўша киши сизлардан ҳақини сўраб келади. Тавба қилинг ва истиғфор айтинг. Ҳозирда ўша курсга қабул қилинишингиз ва битиришингиз учун зарурий бўлган илмларни эгалланг. Агар қўлингиздан келмаса уни битирманг ёки шаҳодатномасини олмай кетинг. Валлоҳу аълам!
