Исломда жаноза неча кун бўлади
Ассалому алайкум! Исломда жаноза неча кун бўлади? Биз тарафда яни Хоразмда инсон вафот этса унга ўша куни жаноза ўқийдилар кейин ундан кейин 3-7-40-кунлари маҳаллага авоза қилиб ўлган инсоннинг уйига ҳаммани чақирадила. Ўша хонадонда Қуръон ўқийдилар ундан ташқари ҳар йили ўша инсоннинг уйига борадилар. Шу иш бидъад эмасми?
– Ва алайкум ассалом! Динимизда уч кундан кўп аза тутиш ҳаром ҳисобланади. Бу хусусда саҳиҳ тўпламларда Росулуллоҳ соллаллоҳу алайҳи ва салламнинг: “Аллоҳга ва охират кунига иймон келтирган бирор аёлга, биронта ҳам ўлик учун, уч кундан зиёд аза очиб ўтириши ҳалол бўлмайди. Магар, эрига тўрт ой ўн кун ўтиради”, деган мазмунда ҳадислари бор. Ҳижрий учинчи асрда яшаб ўтган олим Абу Бакр ибн ал-Мунзир раҳматуллоҳи алайҳ ўзининг “ал-Ижмоъ” номли ижмоъий масалалар тўпламида 457-рақам билан қайдлаб, шу масала ҳақидаги ижмоъни нақл қилган. Валлоҳу аълам!
