Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Устоз ва шогирд келишуви

15:58 / 14.03.2019 | Yashnar | 1669
Ассаламу алайкум! Сантехника соҳасида ишлайман. Устозим ҳам бор. Устозим менга ишлаганимга пул берадилар. Бир жойда иш чиқди ва у жойга устозимиз мени ва бошқа шогирдларни иш қуроллари билан жўнатдилар. Биз у жойда устозимсиз ишладик. У жойда устозимни қиммат иш қуроллари йўқолди ёки ўғирлашди. 1) Йўқолган ёки ўғирланган нарсаларнинг пули бизнинг бўйнимиздами? 2) Иш пайтида бузилиб қолса у кимни бўйнида?

«Зикр аҳлидан сўранг» ҳайъати:

- Ва алайкум ассалом! Иш қуроллар устаники бўлса сизлар уни орият(бепулга ишлатиб қайтариб бериш)га олган бўласизлар. Бу ҳолатда иш қуроллар сизларнинг қўлингизда омонат ҳисобланади. Агар уларни устангиз одатда ишлатадиган шаклда ишлатсангиз ва у бузилиб қолса тўламайсиз. Чунки сиз омонатга хиёнат қилган ҳисобланмайсиз. Агар ишлатишда бепарволик қилган бўлсангиз, ножоиз ишлатган бўлсангиз, одатда ишлатиладиган вақт ва усулдан ташқари ишлатиб зарар етказсангиз тўлайсиз. Бунда сиз ҳаддингиздан ошган ҳисобланасиз ва омонатга хиёнат қилган бўласиз. Йўқолиши ва ўғирланишига келсак бунда ҳам эҳтиёт чораларини кўрмаган, ўз шахсий мулкингиздек авайламасдан бепарво қолдирган бўлсангиз тўлаб берасиз. Агар ҳамма чораларини кўрган бўлсангизу ўғри моҳир бўлиб шунда ҳам ўғирлаб кетган бўлса тўламайсиз. Валлоҳу аълам!

Топ рейтинг www.uz Openstat