Қарздор одам эҳсон ёки садақа қилиши
09:40 / 02.02.2023 | Abdusattor | 916
Ассалому алайкум! Дадам ёшлигимизда атрофдан катта қарз бўлиб қолганлар. Ҳозиргача бир қисмини уздик. Мен катта бўлиб тижорат қилиб пул топишни бошладим ва бу қарзларни узишда дадамга ёрдамлашаман. Тижоратда шерикларим билан қилган фойдамиздан ҳар сафар эҳсон учун фоиз ажратамиз. Лекин бир жойда қарздор одам аввал қарзини узади кейин эҳсон қилади деб ўқидим. Мени ҳолатимда қайси бири менга манфаатлироқ?
«Зикр аҳлидан сўранг» ҳайъати:
– Ва алайкум ассалом! Отангизнинг қарзини узишга ёрдамлашсангиз бегонага қилган эҳсондан кўра савоби улуғроқ бўлади. Валлоҳу аълам!
