Нажосат ташланган оқар сувдан таҳорат ва ғусл учун фойдаланиш
07:42 / 17.07.2018 | sayfuddin | 3038
Ассалому алайкум! Уйимиз ёнидан ўтадиган ариқнинг бошланишида турадиган хонадонлар унга турли хил чиқиндиларни, ҳаттоки, молларнинг ахлатларини ҳам ташлашади. Мазкур ҳолатда қуйида яшовчи хонадон вакиллар ариқдаги сувдан таҳорат ва ғусл учун фойдаланишса бўладими? Бунда қандай қоидаларга амал қилиш керак? Ёз кунларида ариқдан келадиган сув лойқа бўлади, бунда ундан таҳорат ва ғусл учун фойдаланса бўладими?
«Зикр аҳлидан сўранг» ҳайъати:
- Ва алайкум ассалом! Лойқалик адрдан оқиб тушгани учун бўлса жоиз. Нажосат оқизгани учун бўлса жоиз эмас. Нажосат қўшилганда хиди ва таъми ҳам келиб туради. Гоҳида ташланган ахлат оқиб кетса у сувдан фойдаланиш мумкин. Валлоҳу аълам!
